ASTANA. 29 naýryz. Búgin Kanadada taǵy bir jolaýshylar ushaǵy keleńsizdikke tap boldy. Air Canada áýe kompanııasyna tıesili A320 ushaǵy qoný kezinde arnaıy jolaqtyń jıegine shyǵyp ketken. Sonyń saldarynan 25 adam túrli deńgeıdegi dene jaraqattaryn aldy. Bul týraly RIA «Novostı» habarlady.
Apatty jaǵdaı Kanadanyń Galıfaks qalasynda tirkeldi. Ushaqtyń jol jıegine shyǵyp ketýine aýa raıynyń qolaısyzdyǵy sebep bolǵan. О́ıtkeni áýe kóligi qonǵan kezde tolassyz qar jaýyp turǵan edi. Soǵan baılanysty ushqysh arnaıy jolaqtyń shamdaryn jóndi kórmegen. Tipti qoný kezinde elektr jelilerine aqaý keltirip, áýejaı bir saǵat boıy jaryqsyz qaldy.
Keleńsizdik kezinde ushaqta 132 jolaýshy men 5 ekıpaj múshesi bolǵan. Jaraqat alǵan 25 adam dereý jergilikti aýrýhanalarǵa jetkizildi.
Ushaq Toronto qalasynan ushyp shyqqanyn aıta keteıik.
Elaman Qońyr.
Derek, sýret: RIA «Novostı».