ASTANA. 30 naýryz. Úndistanda pil shuńqyrǵa túsip ketken balasyn shyǵarmaq bolyp 11 saǵat arpalysqan. Eger qutqarýshylar kelip pildi qutqarmaǵanda, bul oqıǵanyń qalaı aıaqtalatyny belgisiz edi. Bul týraly caters tv habarlady.
Pildiń balasy qaraýsyz qalǵan qudyqqa túsip ketken. Anasy qansha shyǵarmaq bolyp árekettengenimen, kishkentaı pil batpaqqa tolǵan shuńqyrdyń qursaýynan qutyla almady. Bir qyzyǵy, osy oqıǵany qyzyqtaý úshin qalyń adam jınalǵan. Biraq, bireýi de kómek qolyn sozýǵa talpynǵan joq. Qaıta vıdeoǵa túsirip, qyzyq kórip turdy. Qazir ǵalamtorǵa salynǵan sol vıdeony kórýshiler sany saǵat saıyn kóbeıýde.
Iá, adamdar arasynda meıirim azaıǵan qazirgi zamanda jan-janýardyń osyndaı áreketterinen úlgi alýǵa májbúrmiz...
Elaman Qońyr.
Derek: caters tv.
Sýret: youtube.com.