ASTANA. 1 shilde. Qyzylorda oblysy Aral aýdandyq prokýratýrasy «Jaýqazyn» balabaqshasy memlekettik kommýnaldyq qazynalyq kásiporny qyzmetinde balalar men jasóspirimderdi tárbıeleý jáne bilim berý obektilerine qoıylatyn sanıtarlyq-epıdemıologııalyq talaptardyń sáıkestigine tekserý júrgizip, zań buzýshylyqtarǵa jol berilgenin anyqtady. Bul týraly Qyzylorda oblystyq prokýratýranyń baspasóz qyzmeti habarlady.
Atap aıtqanda, 2014 jyldyń naýryz aıynda shyǵarylǵan 2 qorap, 10 kg. «Hamle» pechenesiniń belgilengen jaramdylyq merzimderine (qorabynda saqtaý merzimi 1 jyl dep kórsetilse de ónim osy ýaqytqa deıin saqtalyp turǵan) sáıkes kelmeıtindigi anyqtaldy.
Bul zań buzýshylyqtar boıynsha 2015 jyldyń 7 mamyrynda aýdandyq prokýratýra balabaqshaǵa uıǵarym túrindegi prokýrorlyq yqpal etý aktisin engizip, saqtaý merzimi ótken 2 qorap, 10 kg «Hamle» pechenesi joıyldy. Osylaısha, 280 jetkinshektiń konstıtýsııalyq quqyqtary qorǵaldy.
Elaman Qońyr.
Derek: Qyzylorda oblystyq prokýratýranyń baspasóz qyzmeti.
Sýret: otzovik.com.