ALMATY. 2 shilde. Pákstanda kúnniń ystyǵynan qaıtys bolǵan adamdardyń sany 1300-den asty. Eldiń ońtústiginde ótken bir táýliktiń ishinde ǵana buǵan qosymsha 34 adam kóz jumdy. 10 myń adam zardap shekti. Bul týraly meteoprog.ua habarlady.
Tek qana Karachı qalasynda kúnge kúıip, ystyqqa tózbeı qaıtys bolǵandar sany – 1234 adam. Zardap shekkenderdiń deni áleýmettik jaǵynan qormalǵan ári turmysy nashar turǵyndar. El aýmaǵynda kúnniń qyzýy áli de +40 gradýstan tómendemeı tur.
Úndistan jaǵynan aýǵan ystyq aýa aǵyny Pákstan memleketin 19 maýsymnan beri ábigerge salyp qoıdy. Karachı qalasynda aýanyń temperatýrasy bir apta boıy +45 gradýstan tómendemedi. Jeıkobad, Larkan, Sýkkýr shtattarynda ystyq +48 gradýsqa jetti.
Talǵat Súıinbaı.
Derek, sýret: meteoprog.ua.