QOSTANAI. 2 shilde. Qostanaı dıqandary úshin oblys ortalyǵynyń irgesindegi «Zarechnyı» tájirıbe sharýashylyǵynyń egin alqabynda Eginjaı kúni ótti. Bul týraly egemen.kz tilshisi habarlady.
Dıqandar úshin bul shara jyl saıyn dástúrli ótedi. Oǵan aýdan ákimderi, iri sharýashylyqtar basshylary qatysty. Aldymen oblys ákiminiń orynbasary Bazyl Jaqypov egin sharýashylyǵynyń búgingi jaı-japsary týraly baıandama jasady. Dıqandardyń bıylǵy bas qosýy negizinen kúzgi astyq jınaý naýqanyna daıyndyqqa arnaldy. О́ıtkeni ótken jyly kúzdiń jańbyrly bolýyna oraı, oblysta kóptegen sharýashylyqtar astyǵyn jınap úlgergen joq. Aýa raıy bıyl da boljap bolmaıs qubylyp tur. Kóktemgi dala jumystarynyń da óte qıyndyqpen, keshigip ótkeni belgili. О́tken jyly astyq keptirgishi bar sharýashylyqtar kóp qtıyndyq kórgen joq, bıdaıdy keptirip aldy. Oblysta búginde 235 astyq keptirgish bar, áli de 75 osyndaı jabdyq kerek. Oblys boıynsha astyq jınaý naýqany bastalatyn tamyz aıynyń aıaǵyna deıin 11,5 myń kombaın jóndelýi qajet.
О́tken jylǵy kúz ben bıylǵy kóktem dıqannyń eńbeginiń qaıtarymy tehnıkaǵa táýeldi ekenin kórsetti. Bıyl bes aıdyń ishinde aýyl sharýashylyqtar 508 tehnıka alǵan, bul ótken jyldyń osy merzimimen salystyrǵanda 3,7 ese kóp.
Oblys ákimi Nuraly Sádýaqasov: «Sharýashylyqtar tehnıkamen, kerekti jabdyqtarmen jabdyqtalǵan bolsa, aýa raıynyń qolaısyz kezine tap bolǵan kóktemgi dala jumystary jáne kúzgi jıyn-terin kezinde múmkindik taýyp, tyǵyryqtan shyǵady, shyǵyny az bolady. Muny jyl a kórip júrmiz. Sondyqtan astyq jınaý naýqany aldynda óz múmkindiktiremizdi taǵy da pysyqtap alý maqsatymen Eginjaı kúnine jınalyp otyrmyz. Búginde aýyl sharýashylyǵynda problema tek tehnıka ǵana emes, túrli ózekti máseleler bar. Sonyń biri qarjy máselesi. Alaıda memlekettik qarjy ınstıtýttary jumys isteýde. Tek shilde aıynyń ózinde dıqandar 7,8 mıllıard teńgeni ıgerýi tıis. Bul eshqashan bolmaǵan kómek. Al jyl boıy 18 mıllıard teńge jumsalady. Bul óte kóp qarjy» dedi.
Eginjaı kúninde «KazNIIMESH» jáne «Ýral LTD» jaýapkershiligi shekteýli seriktestikteri qazaqstandyq jáne Reseıdiń, Belorýstiń Ýkraınyń, Tatarstannyń, Polshanyń, tipti Serbııanyń aýyl sharýashylyǵy tehnıkalaryn usyndy. «Kıroves» traktoryn shyǵaratyn Peterbýrg traktor zaýyty sońǵy úsh jylda qostanaılyq dıqandarǵa dıqandardyń basty tehnıkasyn usynyp keledi. Buryn dıller bolyp kelgen atalmysh fırma, qazir destrıbıýter mártebesin aldy. Qazir respýblıka boıynsha ózi dıllerlik jelisin taratyp, servıstik ortalyqqa aınaldy. Eginjaı kúninde aıtylǵandaı, eń basty maqsat búginde sharýashylyqtardy ozyq tehnıkamen qamtamasyz etý bolyp otyr.
Názıra Járimbetova.
Derek, sýret: egemen.kz