PETROPAVL. 2 shilde. 19-shy halyqtyq sport oıyndary aıasynda múmkindigi shekteýli jandardyń spartakıadasy ótip, 13 aýdannyń ókilderi sporttyń 10 túrinen kúsh synasty.Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
Osydan 2 jyl buryn «Úmit» klýby boı kótergeli óńirdegi múgedek adamdar arasynda sporttyń keń qanat jaıa bastaǵanyn ańǵarýǵa bolady. Byltyr Sochı qalasynda ótken qysqy paralımpıadalyq oıyndarǵa Qazaqstannan 5 sportshy qatyssa, ekeýi teriskeıden boldy. Londondaǵy jazǵy dodada halyqaralyq dárejedegi sport sheberi Sergeı Harlamov jaqsy óner kórsetti. Júzýden Vladımır Erman, qolarba jarysynda Sergeı Ýsolsev, jeńil atletıkadan Elena Mazýrrenko men Qaırat Qanafın álemdik básekelerde el namysyn qorǵap júr.
Eki kúnge sozylǵan spartakıadada 216 upaı jınaǵan Aqqaıyń aýdanynyń komandasy birinshi oryndy jeńip aldy. Ekinshi orynǵa 194 upaı enshilegen Taıynsha aýdany kóterildi. Úshinshi oryndy Ǵ. Músirepov aýdanynyń komandasy enshiledi.
О́mir Esqalı.
Derek, sýret: Soltústik Qazaqstan oblystyq dene shynyqtyrý jáne sport basqarmasy.