Elbasy Nursultan Nazarbaev VIII Astana ekonomıkalyq forýmyna qatysýǵa kelgen Lıýksembýrg Premer-mınıstri Ksave Betteldi qabyldady, dep habarlady Prezıdenttiń baspasóz qyzmeti.
Kezdesý barysynda eki eldiń yntymaqtastyǵyn nyǵaıtý perspektıvalary, sondaı-aq, Qazaqstan men Eýropalyq odaq arasyndaǵy qarym-qatynastardy EO-ǵa Lıýksembýrgtiń aldaǵy tóraǵalyǵy aıasynda tereńdetý máseleleri qaraldy.
Memleket basshysy bizdiń elimiz byltyr Qazaqstan men EO-nyń keńeıtilgen seriktestigi men yntymaqtastyǵy týraly kelisim jobasy jónindegi kelissózderdi aıaqtaý týraly qujatqa qol qoıǵanyn eske saldy.
– Sizderdiń tóraǵalyq etken kezeńde osy úderister aıaqtalady dep úmittenemin. Elderimizdiń dostyq qatynastaryn eskere otyryp, Eýropalyq odaqpen ózara yqpaldastyq kezinde vıza rejimin jeńildetýdi, avıasııa salasyndaǵy shekteýlerdi alyp tastaýdy qamtıtyn birqatar máselelerdi sheshý isinde sizdiń qoldaýyńyzǵa súıenemiz, – dedi Nursultan Nazarbaev.
Taraptar Qazaqstan men Lıýksembýrg arasyndaǵy yntymaqtastyqty ári qaraı tereńdetýdiń mańyzdylyǵyn atap ótti.
Sýretterdi túsirgender S.BONDARENKO, B.OTARBAEV.