Qazaqmys kompanııasy jyl saıyn ótetin respýblıkalyq «Mektepke jol» aksııasynyń aıasynda bıyl Jezqazǵandaǵy «Úmit» balalar úıiniń tárbıelenýshilerine 15 mıllıon teńge qarjy bóldi. Bólingen qarjy mekemeniń qaıta ońtaılandyrylýyna, sport jáne balalar alańyna, sondaı-aq elektrondy tehnıka men kompıýter alýyna baǵyttalǵan.
Bul sharaǵa qurmetti qonaq retinde «Jezqazǵantústimet» О́B bas dırektory Qaırat Shalmaǵambetov, senator Sergeı Ershov jáne Májilis depýtaty Arman Qojahmetov qatysty. Qaıta ońtaılandyrylǵan sport alańyn aralap, balalardy bıylǵy jańa oqý jylymen quttyqtap, Qazaqmys áleýmettik jaýapty áriptes retinde ár jyldary Jezqazǵan aýmaǵynda birneshe áleýmettik nysandardyń boı kóterýine atsalysqanyn atady.
– Qazaqmys kompanııasy ásirese, balalarǵa qatysty áleýmettik jobalarǵa erekshe kóńil bóledi. Jasóspirimder bizdiń memleketimizdiń bolashaǵy, sondyqtan biz olardyń ómirin jaqsartyp, sapaly bilim alýlaryna barynsha qoldaý kórsetemiz. Korporasııa men «Úmit» balalar úıi arasynda kópjyldyq dostyq qarym-qatynas ornatylǵan, – deıdi «Qazaqmys korporasııasy» JShS bas dırektory Baqtııar Qyryqpyshev.
«Egemen-aqparat».