ATYRAÝ. 22 mamyr. Atyraý oblysynda taǵy qara balyqtardyń qyrylý deregi anyqtaldy. Bul týraly egemen.kz tilshisi habarlady.
Buǵan deıin qara balyqtardyń qyrylý deregi Jaıyq ózenine quıatyn arnalarda baıqalǵan edi. Al bul joly balyqtar Qurmanǵazy aýdanyndaǵy Atótkel ózeginde ólgeni belgili bolyp otyr.
Atyraý oblystyq orman sharýashylyǵy jáne janýarlar álemi ınspeksııasynyń basshysy Murat Ermekqalıevtyń jergilikti «Aqjaıyq» gazetiniń tilshisine bergen málimetinshe, balyqtardyń ólýi 12 mamyrda bolǵan. «Sol kezde Qıǵash ózeninde sý deńgeıi kóterilip, Atótkel ózegine sýmen birge balyqtar da kirgen. Alaıda, ózek sýy tez tartylyp, topyraqqa sińip ketken. Osynyń saldarynan sý men aýanyń jetispegen balyqtar qyrylǵan», – dep joramal jasaıdy basqarma basshysy.
Basqarma ınspektorlary saraptama júrgizý maqsatymen sýdan jáne balyqtardan synamalar aldy. Atalǵan ózekte 21 myńnan astam, ıaǵnı, 2,5 tonnadaı usaq balyqtardyń qyrylǵany belgili bolyp otyr.
Joldasbek Shópeǵul.
Derek, sýret: egemen.kz.