PETROPAVL. 22 mamyr. Soltústik Qazaqstan oblysynyń ákimi Erik Sultanov aımaqtyq Indýstrııalandyrý kartasyna kirgen kásiporyndardyń ókilderimen kezdesti. Bul týraly ákimdiktiń baspasóz qyzmeti habarlady.
Búginde oǵan 39 soltústikqazaqstandyq kompanııa engizilip, 20 jobany bıyl paıdalanýǵa berý uıǵarylǵan. «Radýga» JShS plastmassa, metall jáne qubyr buıymdary óndirisin alǵashqylardyń qatarynda iske qosty. Munda ozyq tehnologııalardy qoldanýdyń arqasynda jyldyq qýattylyqty 1 000 tonnaǵa deıin jetkizý kózdelgen. «JNV» JShS Indýstrııalandyrý kartasyna sapaly et ónimderi men jartylaı fabrıkattar óndirisiniń kólemin ósirý jobasymen kirdi. Jylyna 180 tonna et ónimderin shyǵarý maqsatymen Belarýsten asyl tuqymdy maldar satyp alyndy. Qyzyljar aýdanyndaǵy «Zenchenko ı K» komandıttik seriktestiginde eki jel-energetıkalyq qurylǵy boı kóterdi. Nátıjesinde elektr energııasyna qajettilik tolyq qanaǵattandyryldy.
Jýyrda oblystyq Indýstrııalandyrý kartasyna kiretin taǵy úsh joba qolǵa alyndy. Máselen, Aqqaıyń aýdanyndaǵy «Rostan» JShS-de óndiris oryndaryn jańǵyrtý arqyly qosymsha 140 tonna sút óndirý jobalanǵan. Petropavlda «Polımer kompozıtteri zaýyty» JShS kompozıt materıaldary sehtaryn keńeıtip, shetel naryǵyna shyǵýdy mejelep otyr.
О́mir Esqalı.
Derek: Soltústik Qazaqstan oblystyq ákimdiginiń baspasóz qyzmeti.
Sýret: egemen.kz