ASTANA. 16 qazan. Qazaqstan fýtbol federasııasynyń bas menedjeri qyzmetine belgili reseılik maman Dmıtrıı Vasılev taǵaıyndaldy. Bul týraly federasııanyń baspasóz qyzmeti habaarlady.
Dmıtrıı Panteleevıch M.V.Lomonosov atyndaǵy MMÝ janyndaǵy Azııa jáne Afrıka elderi ınstıtýtynyń ekonomıka fakýltetin bitirgen. Sonymen qatar, Ekonomıka jáne kásipkerlik ınstıtýtynyń zań fakýltetin támamdady. Tórt shet tilin meńgergen. Onyń sońǵy jumys orny «Jetisý» fýtbol klýby boldy. Qysqa ýaqyttyń ishinde qarjylyq ońtaılandyrýǵa qaramastan jaqsy sporttyq nátıjege qol jetkizdi.
Dmıtrıı Vasılev buǵan deıin Reseıdiń «Dınamo» (Máskeý), «Moskva», «Ýral» (Ekaterınbýrg), «Rostov», «Tıýmen» fýtbol klýbtarynda jetekshilik qyzmetterdi atqardy. Moldovalyq «Polıtehnıka» klýbynyń vıse-prezıdenti, Reseı fýtboly ulttyq lıgasynyń prezıdentine úmitker boldy.
Elaman Qońyr.
Derek, sýret: Qazaqstan fýtbol federasııasynyń baspasóz qyzmeti.