Memleket basshysy Nursultan Nazarbaev BUU Bas hatshysy Pan Gı Mýnmen telefon arqyly sóılesti, dep habarlady Prezıdenttiń baspasóz qyzmeti.
Telefon arqyly sóılesýge BUU Bas hatshysynyń keńsesi bastamashylyq etti.
Taraptar Qazaqstan men Uıym arasyndaǵy ekijaqty ózara is-qımyldyń ahýaly men bolashaǵyn talqylady.
Memleket basshysy Uıymnyń beıbitshilik pen qaýipsizdikti, ornyqty damýdy jáne halyqaralyq qoǵamdastyq músheleri arasyndaǵy yntymaqtastyqty qamtamasyz etýdegi jetekshi rólin atap aıtty, sondaı-aq, elimizdiń BUU mindetteri men maqsattaryna adal ekenine sendirdi.
Pan Gı Mýn Qazaqstannyń halyqaralyq saıasattyń kún tártibindegi ózekti máselelerdi qarastyrý jáne sheshýge qosyp otyrǵan úlesin joǵary baǵalady.