QOSTANAI. 22 mamyr. «Qazaqstan halqy Assambleıasyna 20 jyl» medalimen oblysta túrli salada eńbek sińirgen 32 adam marapattaldy. Bul týraly egemen.kz tilshisi habarlady.
Qazaqstan halqy oblystyq assambleıasy meńgeoýshshisi-hatshysynyń mindetin atqarýshy Gúvıra Qudaıqulovanyń aıtýynsha, osy medalmen obylsta 75 adam marapattalýy tıis. Olardyń arasynda Uly Otan soǵysynyń ardagerleri, kásiporyn jetekshileri, etnomádenı birlestikteriniń jetekshileri, ǵylymı jáne shyǵarmashylyq zııaly qaýym, ókilderi, máslıhat depýtattary, mesenattar, taǵy basqalar bar.
Dostyq úıinde oblystyq máslıhat hatshysy Saılaýbek Esjanov 32 adamǵa medaldi saltanatty túrde tabys etti. Ol medaldi eń birinshi Uly Otan soǵysynyń ardageri Qabden Ybyraevtyń keýdesine taqty. 92 jasqa kelip oytrǵan Qabden ataı Uly Otan soǵysynda Taganrogty, Dondary Rostovty qorǵaýǵa qaytsty. 3 dárejeli Dańq, 1 dárejeli Uly Otan soǵysy, Eńbek Qyzyl Tý ordenderimen marapattalǵan. Qabden ataıdyń 7 balasy, 31 nemeresi, 19 shóberesi bar. Sonymen qatar merekelik medalmen kóp balaly ana Gúljaýhar Tólegenova da marapattaldy. Ol 9 bala tárbıelep otyr, onyń 8-in asyrap alǵan. Bıyl oblystyq assambleıanyń bastamasymen Tólegenovter otbasyna úı salyp berildi, oǵan etnomádenı birlestikter 5 mıllıon teńge aqsha jıyp berdi.
Gúljaýhar Tólegenova: «Bizdiń shańyraǵymyzǵa úı kóterip bergen barlyq qostanılyqtarǵa rahmetimdi, alǵysymdy aıtamyn. Bizdiń otbasymyz aldaǵym jaqyn kúnderi taǵy da tolyǵatyn bolady. Meniń uldarym men qyzdarym elimizdiń patrıoty bolyp ósedi, Qazaqstannyń damýy úshin úles qosatyn bolady. Men osyǵan senimdimin», dedi.
Názıra Járimbetova.
Derek, sýret: egemen.kz