Sheteldegi Qazaqstan azamattarynyń quqyqtaryn qorǵaý maqsatynda Qazaqstan Respýblıkasynyń Bas prokýratýrasy men Ishki ister mınıstrliginiń qyzmetkerleri Syrtqy ister mınıstrliginiń qoldaýymen esirtki jáne sırek kezdesetin janýarlar kontrabandasy úshin ártúrli jaza merzimderine Qytaıda sottalǵan elimizdiń bes azamaty Qytaıdan Qazaqstanǵa jetkizildi.
Qytaı tarapynyń quzyrly organy sottalǵandardy Qazaqstanǵa berý týraly sheshimdi 2011 jylǵy 22 aqpandaǵy (2013 jyldyń 20 qarashasynda QR zańymen ratıfıkasııalanǵan, QHR – 2015 jyldyń 1 shildesinde) Qazaqstan Respýblıkasy men Qytaı Halyq Respýblıkasy arasyndaǵy shartty iske asyrý maqsatynda jáne sottalǵandardyń ótinishteri negizinde qabyldaǵan.
Osy azamattarǵa qatysty qytaılyq sottyń úkimin taný jáne oryndaý týraly kepil retinde QHR-dyń quzyrly organdaryna qazaqstandyq sottardyń tıisti qaýlylary joldandy.
Berilgen adamdar jazalarynyń qalǵan merzimderin elimizdiń ulttyq zańnamasyna sáıkes Qazaqstannyń túzeý mekemelerinde óteıtin bolady, dep habarlaıdy Qazaqstan Respýblıkasy Bas prokýratýrasynyń baspasóz qyzmeti.