PETROPAVL. 5 shilde. Petropavlda hımııa-bıologııalyq baǵyttaǵy Nazarbaev zııatkerlik mektebi saltanatty túrde ashyldy. Sharaǵa «Nazarbaev zııatkerlik mektepteri» derbes bilim berý uıymynyń basqarma tóraıymy Kúlásh Shamshıdınova men aımaq basshysy Erik Sultanov qatyty. Bul týraly oblys ákimdiginiń baspasóz qyzmeti habarlady.
«Búgin munda joǵary kásibı pedagogıkalyq quram bekitildi, zamanaýı qondyrǵylardan materıaldyq-tehnıkalyq baza jasaqtaldy. Nazarbaev zııatkerlik mektebiniń oqýshylary men muǵalimderin aldaǵy ýaqytta talaı jetistik kútip turǵanyna senimdimin», - dedi quttyqtaý sózinde Erik Hamzauly.
Sondaı-aq, oblys ákimi mektepke avtobýs kóligin syıǵa tartty.
Kúlásh Noǵataıqyzy Nazarbaev zııatkerlik mektepterinde 11 myńǵa jýyq oqýshy oqıtynyn, sońǵy 3 jylda 5 myńdaı túlek bitirgenin, onyń 285-i «Altyn medal» ıegeri atanǵanyn jetkizdi.
Irikteý nátıjesi boıynsha «О́rken» bilim berý granty 312 oqýshyǵa bólingen. Nazarbaev zııatkerlik mektebinde 62 kabınet jaraqtandyrylǵan. Onyń 5-ýi bıologııa, 6-ýy hımııa pánine arnalǵan. Sonymen qatar bıotehnologııa, nanotehnologııa, robototehnıka, tehnıkalyq modeldeý kabınetteri bar. Mektep aýmaǵynda fýtbol, tennıs, basketbol, voleıbol oınaýǵa arnalǵan birneshe alań, jeńil atletıkalyq jol men trenajer zaly ornatylǵan.
«Prezıdent grantyna ıe bolǵan balalar tegin tamaqtanady. Olar 120 oryndyq ınternatta jatyp oqıdy.Formamen jáne oqýlyqtarmen qamtylady», - dedi hımııa-bıologııalyq baǵyttaǵy Nazarbaev zııatkerlik mektebiniń dırektory Kúlfarıda Raıysova.
Aıta keteıik, 720 oryndy jańa oqý ornyna 88 muǵalim iriktelip alynǵan.
О́mir Esqalı.
Derek, sýretter: oblys ákimdiginiń baspasóz qyzmeti.