Áskerı tutqyndar týraly qujattar Fınlıandııa Ulttyq muraǵatynyń materıaldarynan tabyldy

Uly Otan soǵysyndaǵy Je­ńistiń 70 jyldyq mereıtoıy­na oraı Helsınkı qalasynda Qazaqstan elshisi Ǵalymjan Qoı­­­­shybaevtyń Fınlıandııa Ulttyq muraǵatynyń bas dırektory Iýssı Nýortevamen kezdesýi ótti. Iý.Nýorteva muraǵat isi sa­lasyndaǵy qarym-qatynas Qa­zaq­stan men Fınlıandııa arasyn­daǵy mádenı-gýmanıtarlyq ynty­­maq­tastyqty damytý úshin mańyz­dy úles bolyp tabylatynyn atap ótti. Áńgime barysynda fın tarapy Uly Otan soǵysy kezinde qaza tapqan jáne Fınlıandııada jerlengen qazaqstandyq 268 áskerı tutqynnyń taǵdyrlary týraly málimetterdi resmı túrde tapsyrdy. Buǵan deıin atalǵan aqparat jartylaı Qaraǵandy, Pavlodar oblystarynyń jáne Astana qalasynyń muraǵattaryna berilgen-tin. Sonymen qatar, fın tarapy Fınlıandııa aýmaǵynda bolǵan (olardyń arasynda Qazaqstan týmalary bolýy múmkin) jáne soǵystyń aıaqtalýynan keıin repatrıasııa kezinde KSRO aýmaǵyna oralǵan burynǵy keńestik áskerı tutqyndardyń taǵdyry týraly qolda bar aqparatty berýge daıyn ekenin bildirdi. Qurban bolǵan qazaqstandyq jaýyngerlerdiń rýhyna Fın­lıandııanyń qurmetpen qaraǵany úshin rızashylyǵyn bildire otyryp, Qazaqstan elshisi eki eldiń jalpy tarıhy turǵysynan keńestik áskerı tutqyndardyń, sonyń ishinde, bizdiń elimizdiń tý­malarynyń taǵdyrlaryn zert­teýdiń mańyzdylyǵyn atap ótti. Qazaqstandyq dıplomat mu­raǵat isi salasyndaǵy eki­jaq­ty yntymaqtastyqtyń uzaq dás­túrlerin atap ótip, onyń bas­tamasy retinde 2009 jyly Qazaq­stan Pre­zıdenti Nursultan Nazar­baev­tyń Fınlıandııaǵa sapary barysynda Qazaqstannyń Mádenıet jáne aqparat mınıstrligi men Fın­lıandııanyń Ulttyq muraǵa­ty arasynda qol qoıylǵan ynty­maqtastyq týraly kelisimdi atady. Osy kelisimder negizinde eki jaq birneshe ret eki elge qatys­ty qujattarmen almasty. Atap aıtqanda, Fınlıandııanyń Ulttyq muraǵaty qorynan 1941-1944 jyldardaǵy jaýyngerlik áreketter kezinde qaza tapqan nemese tutqynǵa túsken qazaqstandyqtardyń taǵ­dyrlary týraly aqparat berildi. О́z kezeginde, fın tarapy 1941-1944 jyldary Qaraǵandy lagerinde bolǵan fın soǵysynyń tutqyndary týraly qujattar aldy. Fınlıandııa aýmaǵynda 1941-1945 jyldardaǵy Uly Otan soǵysy kezinde qaza tapqan qazaqstandyq jaýyngerlerdi anyqtaý boıynsha jumys Jeńistiń 70 jyldyǵyn Qazaqstanda daıyndaý jáne toılaý jónindegi is-sharalar jospary aıasynda júzege asty.

Sáýlebek BIRJAN.