Elbasy Nursultan Nazarbaev qazirgi zamanǵy óner men tehnologııalardyń Astana Art Fest I festıvalin jáne «Nurly Esil» mýltımedıalyq lazerli-pırotehnıkalyq shoýdy tamashalady, dep habarlady Prezıdenttiń baspasóz qyzmeti.
Memleket basshysy elordanyń sýly-jasyl jelekti býlvarynda Astana Art Fest festıvaliniń aldaǵy EKSPO-2017 kórmesiniń ıdeıasyn aıshyqtaıtyn «Ot energııasy», «Sý energııasy» jáne «Aýa energııasy» taqyryptyq aımaqtaryn aralap kórdi.
Festıval alańynda Fransııa, Germanııa, Nıderland, Italııa, Ispanııa, AQSh, Reseı jáne Qazaqstan sýretshileriniń jumystary men ınnovasııalyq ınstallıasııalar qoıyldy. Sonymen qatar, balalarǵa arnalǵan shyǵarmashylyq sheberlik synyptary, teatrlandyrylǵan kóshe qoıylymdary jáne bolashaqtyń energııasy týraly qyzyqty ári ınteraktıvti formada áńgimeleıtin oqý semınarlary uıymdastyryldy.
***
Nursultan Nazarbaev, sondaı-aq, Qyrǵyzstan Prezıdenti Almazbek Atambaev jáne Túrkııanyń burynǵy Prezıdenti Abdýlla Gúlmen birge lazerli-pırotehnıkalyq shoýdy tamashalady.
Esil ózeninde ornatylǵan sahnalyq alańda horeografııalyq qoıylymdar ótti, sondaı-aq, sımfonııalyq orkestr qazaq halyq mýzykasy shyǵarmalary men klassıkalyq kompozısııalardy qazirgi zamanǵy mánerde oryndady. Shoý barysynda sýdan jasalǵan ekranda túrli elderdiń tilinde qala kúnine arnalǵan quttyqtaýlar kórsetildi, al sý doǵasy men sýburqaqtarda zamanaýı jaryqty-lazerlik tehnologııany qoldaný arqyly Astananyń keskini jasaldy.
Sýretterdi túsirgender
S.BONDARENKO, B.OTARBAEV.