Keshe Táýelsizdik saraıynda Qazaqstan Respýblıkasy Joǵarǵy Sotynyń Tóraǵasy Qaırat Mámı Dýbaı halyqaralyq qarjy ortalyǵynyń bas sýdıasy Maıkl Hvanmen kezdesti. Is-shara elimizdiń Ata Zańynyń 20 jyldyq mereıtoıy qarsańynda Konstıtýsııalyq Keńes ótkizip otyrǵan «Konstıtýsııa: halyq birligi, turaqtylyq, órkendeý» atty halyqaralyq-tájirıbelik konferensııa sheńberinde uıymdastyryldy.
Áńgimelesý kezinde taraptar bul kezdesý eki eldiń sot júıesi arasyndaǵy yntymaqtastyqty jańa sapaly deńgeıge kóterýde mańyzdy ekenin atap ótti.
Kezdesý barysynda Q.Mámı mártebeli qonaqty Memleket basshysynyń bastamasy boıynsha aldaǵy ýaqytta júzege asyrylatyn «100 naqty qadam – barshaǵa arnalǵan qazirgi zamanǵy memleket» atty Ult jospary sheńberinde sot júıesin reformalaý jaıynan habardar etti. Atap aıtqanda, Astana qalasynda halyqaralyq arbıtrajdyq ortalyq qurý máselesine aıryqsha toqtaldy.
Is-shara qorytyndysynda taraptar Qazaqstan Respýblıkasynyń Joǵarǵy Soty men Dýbaı halyqaralyq qarjy ortalyǵy arasyndaǵy yntymaqtastyq aıasyn odan ári keńeıtý týraly ýaǵdalasty, dep habarlaıdy Joǵarǵy Sottyń baspasóz qyzmeti.