ASTANA. 18 qazan. Búgin fýtboldan Qazaqstan premer-lıgasynyń 29-týry aıaqtaldy. Bul týraly egemen.kz habarlady.
Keshe chempıondyq ataq pen júldeli oryndarǵa talasyp jatqan alǵashqy altylyqtyń oıyndary oınalǵan bolatyn. Ol kezdesýlerdiń nátıjelerin myna silteme arqyly bile alasyzdar. Al búgin premer-lıgada qalý úshin jantalasyp jatqan ekinshi altylyqtaǵy komandalar alańǵa shyqty.
Maýsym boıyna sońǵy oryndardan kóterile almaı kele jatqan Qaraǵandynyń «Shahteri» bul týrda Taldyqorǵanǵa qonaqqa baryp, jergilikti «Jetisýmen» synǵa tústi. Tartysty oıyn nátıjesinde «kenshiler» 1:0 esebimen jeńiske jetip, mańyzdy úsh upaıǵa qol jetkizdi. Osylaısha, «Shahter» týrnır kestesinde 10-orynǵa kóterilip, premer-lıgada qalý múmkindigin saqtap qaldy.
Al bul altylyqta kósh bastap kele jatqan «Tobyl» óz alańynda «Qaısarmen» teń oınasa, Kókshetaýda ótken jergilikti «Oqjetpes» pen «Taraz» arasyndaǵy kezdesýde de jeńimpaz anyqtalmady. Qos matchta da esep ashylǵan joq.
«Jetisý» (Taldyqorǵan) – «Shahter» (Qaraǵandy) 0:1 (0:0)
Gol: Andreı Karpovıch 78.
«Oqjetpes» (Kókshetaý) – «Taraz» (Taraz) 0:0
«Tobyl» (Qostanaı) – «Qaısar» (Qyzylorda) 0:0
29-týr oıyndarynyń qorytyndysy boıynsha týrnır kestesi
Úzdik mergender:
Jerar Goý («Qaırat») – 22 gol;
Lýka Rotkovıch («Oqjetpes») – 13 gol;
Dýshan Savıch («Jetisý»), Djordje Despotovıch («Qaırat») – 10 gol.
30-týr oıyndary 24-25 qazan kúnderi oınalady. Atalǵan týrdaǵy qarsylastar tómendegideı:
«Atyraý» – «Aqtóbe»
«Qaısar» – «Shahter»
«Oqjetpes» – «Jetisý»
«Taraz» – «Tobyl»
«Ertis» – «Ordabasy»
«Qaırat» – «Astana».
Elaman Qońyr.
Derek: egemen.kz.
Sýret: vk.com.