Qazaqstan-aıbyndy, baıtaq elim,
Astana-alyp, zańǵar Báıteregim.
Bul álemde ózińe baǵa jetpes,
Altyn tórim dep seni aıtar edim.
Baıtaq elim, jaıqalǵan Báıteregim,
Tulǵańnan bir ulylyq baıqar edim.
Elbasy Nursultannyń Aqordasy
Asqaq tur armanyndaı Han Keneniń!
Táýelsizdik bolmasa, qaıter edim?...
Endi ózimdi barshamen teń kóremin.
Esildiń erke sylqym tolqynynda,
Terbelip, tereńnen jyr, oı teremin.
Saryarqa – dala tósin nurǵa malyp,
Astana – alyp shahar turǵan anyq.
Ertegi-ańyzdaǵy Er Tóstikteı,
Erjetip, kúnde ósetin tulǵalanyp!
Joldama alar aqyl-oı, tyń bastama,
О́zgeden kelbeti de ras, dara!
Turǵyzǵan óz qolymen berik etip,
Nuraǵam tól perzenti bul Astana!
Boı kótergen Eýrazııa kindiginde,
Umtylǵan bolashaqqa, nurly kúnge.
Basqalarǵa basalqy sózin aıtyp,
Eńseli tuǵyrynda tur búginde!
Qonaqqa qushaǵy ashyq shyn kóńilden,
Beıbitshilik estilip únderinen.
Sammıt ótip, tyńdaǵan bátýa sóz,
Aıdaı álem Astana minberinen!
Qanshama jurt dástúrli dinderimen,
Uǵysqan birin-biri dilderimen.
Keter sosyn, bir jaqsy áser alyp,
Kelisim Saraıda ótken kúnderinen.
Han Shatyrǵa bir kirseń, shyǵa almaısyń,
Kókke órleısiń, shalqısyń, shyǵandaısyń.
«Áziret Sultan»,
«Nur-Astana» meshitteri,
Kóz tartar qasıetti tumardaı shyn.
О́neri: bı arqyly, kúı arqyly,
Izgilik-nur keýdege quıatyny.
Ásem ǵoı konsert-zaly kóz tartady,
Jańa «Astana-Opera» teatry.
Gúlge oranǵan saıabaq, saıajaıy,
Demalsań, kóńilińniń bolar jaıy.
Toǵysqan toǵyz joldyń toraby anaý,
Temirjol, avtovokzal, áýejaıy!..
Sazdy áýenmen atqylap sýburqaǵy,
San boıaý aınalany qulpyrtady.
«Jasyl el» jobasynyń kýásindeı,
Kóshede ósken aq qaıyń, súmbil taly!
Aınalaǵa qarasań – bári sulý,
Adamdary ajarly, jany sulý.
Qonaǵyn ashyq-jarqyn kútip alar,
Salty bar – aldan shyǵyp dám usyný!
Maqsatyna jastardyń jetpek kóbi,
Ashylǵan ilim-bilim kóptep keni.
«Nazarbaev Ýnıversıtet», «Eýrazııa»,
Elbasy zııatkerlik mektepteri.
Sııaqty qazaǵymnyń jiger-erki,
Myzǵymas – «Máńgilik El» monýmenti.
Táýelsizdik saraıy, «Qazaq eli»,
Suńǵyladaı kóriner ásem kórki.
Ǵasyrlar óter qansha kezekpenen,
Qazaǵymdy qaısar er, ójet der em!
Boı kótergen Astana – qala ornynda,
Tarıh qoınaýynda «Bozoq» degen!
Qaryshtap Qazaqstan rámizinen,
Keshegi Uly Jibek joly izimen.
Kerýender jalǵaıdy el men eldi,
Batys Qytaı – Batys Eýropa dálizimen!
Daǵdarystyń bárin de jeńe alady,
Ozyq otyz elge elim ene alady.
Elbasymnyń Joldaýy, Nurly Joly,
Astanamnan eń alǵash taralady!
Astanam dep keledi aıta bergim,
Alys júrsem saǵynyp, qaıta keldim...
Asqaqtap tura bershi araılanyp,
Boı túzep kókke bıik Báıteregim!
Bekshúkir DÚISENSAHY,
eńbek ardageri.