ASTANA. 23 mamyr. Erteń tennısten «Úlken dýlyǵa» sanatyndaǵy 4 týrnırdiń biri, Fransııa ashyq birinshiligi – «Rolan Garros» jarysy bastalady. Oǵan Qazaqstan atynan 5 tennısshi qatysady. Bul týraly egemen.kz habarlady.
Týrnırde áıelder arasynda elimizdiń birinshi raketkasy Zarına Dıas pen Iаroslava Shvedova jáne Iýlııa Pýtınsevalar baq synaıdy. Al erler básekesinde Mıhaıl Kýkýshkın men Andreı Golýbev kúsh synasady.
Keshe Parıjde atalǵan jarystyń jerebe tartý rásimi ótip, birinshi kezeńdegi qarsylastar belgili boldy. Soǵan sáıkes Zarına alǵashqy oıynyn Germanııa tennısshisi Dına Pfısenmaıerge qarsy ótkizedi. 21 jastaǵy qazaq qyzy búginde WTA reıtınginde 32-orynda keledi. Sondaı-aq, «Rolan Garros» týrnırine de 32-tennısshi retinde qatysýda. Al 23 jastaǵy Pfısenmaıer álemniń 142-raketkasy. Eki tennısshiniń joly alǵash ret túıisip otyr.
Iаroslava birinshi kezeńde álemniń 7-raketkasy, Serbııa sportshysy Ana Ivanovıchpen oınaıdy. Al Iýlııa taǵy bir Serbııa tennısshisi Aleksandra Krýnıchke qarsy kortqa shyǵady.
Kýkýshkınniń qarsylasy Izraıl senim artqan Dýdı Sela bolsa, Golýbev ekinshi kezeń joldamasyn ıspan Tommı Robredomen sarapqa salady.
Elaman Qońyr.
Derek: egemen.kz.
Sýret: lidertennis.ru.