QOSTANAI. 1 qyrkúıek. Elimiz Konstıtýsııasynyń 20 jyldyq merekesi qarsańynda qala turǵyndary baspanaly boldy. Bul týraly egemen.kz tilshisi habarlady.
Elimiz Konstıtýsııasynyń 20 jyldyq merekesine oraı oblys ákimi Nuraly Sádýaqasov qalanyń 20 turǵynyna páter kiltin tapsyrdy. Oblys ákimi Nuraly Sádýaqasov: «Búgingi daǵdarysqa qaramastan Qazaqstan ekonomıkalyq jaǵynan damyp keledi. Kóptegen kásiporyndar ashylyp, jumys oryndary qurylyp jatyr.
Elimizde «Qol jetimdi baspana» baǵdarlamasynyń júzege asyp jatqanyna birshama ýaqyt boldy. Ony júzege asyrýdy Qazaqstannyń ıpotekalyq kompanııasy qolǵa alǵan bolatyn. Úıdiń qurylysyn júrgizgen «BK Stroı» qurylys kompanııasynyń tyndyrymdy jumys arynyń arqasynda dárigerler, muǵalimder, basqa da áleýmettik az qorǵalǵan turǵyndar baspanaly bolyp otyr. Qostanaıda bıyl 91 adam bas pana alatyn bolady», dedi. Oblys ákiminiń qolynan kilt alǵan muǵalim Gúljaýhar Noktyń da qýanyshynda shek bolmady.
Gúljaýhar Nok: «Men qalada on jyldan beri páter kezeginde turdym. Osy jyldar ishinde páter jaldadyq. Bala oqyttym, qıyndyqty kórdik. Endi mine ózime páter aldym, osy áleýmettik baǵdarlamany jasaǵan Elbasyna, memleketimizdiń saıasatyna rahmet aıtamyn», dedi. Onymen birge páter kiltin alǵandardyń ishinde eki jetim bala, áskerı qyzmetkerler, bıýdjettik mekemeler qyzmetkerleri, tolyq emes otbasylar da boldy.
Sol kúni Qostanaı qalasynyń ák imi Ahmetjan Ahmetbekov Arman turǵyn úı keshenindegi 211-shi úıden taǵy da 40 qochstanaılyqqa páter kiltin tapsyrdy. Jyldyń aıaǵyna deıin barlyǵy 91 qostanaılyq páterge ıe bolady.
Názıra Járimbetova.
Derek, sýret: egemen.kz