PAVLODAR. 24 mamyr. Pavlodarda jergilikti turǵyn qaryndasyn Máskeý kásipkerine 500 myń dollarǵa satpaq boldy. Bul týraly qalalyq prokýratýraǵa silteme jasap, egemen.kz tilshisi habarlady.
Prokýratýranyń habarlaýynsha, 18 jastaǵy qyzdy týys aǵasy kúshtep kúıeýge bermek bolǵan. Osy maqsatta ol qaryndasyn urlap áketip, úsh kún ustaǵan. Sol ýaqyttyń ishinde qyzdyń 42 jastaǵy baı máskeýlikke kúıeýge shyǵýǵa kelisimin alǵan.
Málimdemege súıensek, Pavlodar qalalyq ishki ister basqarmasynyń ońtústik bólimine 19 mamyrda úlken qyzynyń urlanǵanyn aıtyp, áıel adam aryzdanǵan. Alaıda, polısııa qyzmetkerleri bul isti qabyldaýdan bas tartady. Sol kezde qyzdyń anasy «Nur Otan» partııasynyń jergilikti fılıalynan kómek suraıdy. Partııa ókilderi áıeldi prokýratýraǵa jiberedi.
«Biz qyzmetkerlerimizdiń birine aryzdanýshymen birge polısııanyń ońtústik bólimine barýdy tapsyrdyq. Bul joly áıeldiń aryzy qabyldanyp, «Adam urlyǵy» baby boıynsha biryńǵaı sotqa deıingi tergeý reestrine tirkeldi», – deıdi prokýrordyń orynbasary Erlan Almazuly.
Arada 2 kún ótkende qyzdyń anasy polıseılerdiń qamsyz otyrǵanyn aıtyp, taǵy da prokýratýraǵa shaǵymdanýǵa májbúr bolady. Bul jóninde prokýratýranyń habarlamasynda: «22 mamyrda áıel polıseılerdiń qyzyn izdeýge qatysty eshqandaı áreket jasamaı otyrǵanyn aıtyp keldi. Keıin biz qyzdyń qaı jerde ekenin anyqtaý úshin arnaıy tapsyrma berdik. Tek sodan keıin polısııa qyzmetkerleri shara qoldanyp, qyzdy ońtústik bólimge alyp keldi. Qazir jábirlenýshi men anasy polısııa bóliminde. Jábirlenýshiden túsinikteme alynyp, ol suraqtarǵa jaýap berýde. Sondaı-aq, urlap áketken adamnyń kim ekeni anyqtalýda. Qyzdyń aıtýynsha, ózin urlaǵan ákesiniń baýyry eken. Ol 42 jastaǵy Máskeý kásipkerimen óziniń qaryndasyn qalyńdyqqa berý týraly sóz baılasyp, qalyń maly retinde 500 myń dollar alǵan», – delingen.
Qyzdyń sózine súıensek, ol kúıeý jigitti bir-aq ret ınternet arqyly kórgen. Jeli arqyly sóılesken kezde kásipker kúıeýge shyǵý týraly usynys aıtady. Alaıda, qyz birden qarsy ekenin bildirgen. Nátıjesinde ony jaqyn aǵasy urlap áketip, kóndirmek bolǵan. Sondaı-aq, qyz kúdiktilerdiń qoqań-loqy kórsetkenin, tipti kelispese anasy men baýyryn óltiretinderin aıtyp qorqytqandaryn jetkizdi. Týǵandarynyń ómiri úshin ol turmysqa shyǵýǵa májbúrli túrde kelisim bergen.
Farıda Byqaı.
Derek: egemen.kz.
Sýret: diapazon.kz.