Sırııada «Islam memleketi» terrorshyl toptarynyń avtokolonnasyna jasalǵan avıasoqqydan 40-tan astam sodyrdyń kózi joıylǵan. Bul aqparatty adam quqyǵy jónindegi sırııalyq observatorııasyna silteme jasaı otyryp «VVS» agenttigi taratty.
Avıasııalyq shabýyl Hama provınsııasynyń aýmaǵynda jasalǵan. Nátıjesinde 16 avtokólik talqandalyp, ondaǵy 40-tan astam sodyr ólim qushqan. Sırııalyq Ramı Abdel Rahmannyń sózine qaraǵanda, avtokolonnaǵa reseılikterdiń nemese sırııalyq armııanyń qaısysy shabýyl jasaǵany qazirge belgisiz. «Áskerı ushaqtar Vashıngton basshylyq etetin koalısııanyń ushaqtaryna jatpaıdy», – dep atap ótken Rahman. Sońǵy aptalarda Sırııanyń qarýly kúshteri terrorshyl sodyrlarǵa qarsy áskerı qımyldardy belsendi júrgize bastaǵanyn aıta keteıik.
Halyq partııasy úzdik nátıje kórsetti
Shveısarııadaǵy parlamenttik saılaý nátıjesi saılaýshylardyń 28 paıyz daýysyn jınaǵan ulttyq-konservatıvtik Shveısarııa halyq partııasynyń alǵa shyqqanyn kórsetti.
Osyǵan baılanysty Shveısarııa halyq partııasy ulttyq keńesten 200 depýtattyq mandattyń 65-in alatyn bolady. Bul 2007 jyly ótken parlamenttik saılaýdaǵydan úsh oryndy kóp alǵanymen erekshelenip otyr. Saıasattanýshylardyń baǵalaýynsha, partııanyń saılaýda birinshi orynǵa shyǵýy olardyń mıgrasııa aǵynyna qatań shekteý qoıý máselesin kóterýi sebep bolsa kerek. Ekinshi oryndy Eýropalyq odaqpen tyǵyz yntymaqtastyqty jaqtaıtyn sosıal-demokratııalyq partııasy ıemdenipti. Bul partııaǵa saılaýshylardyń 18 paıyzy daýys bergen. Al úshinshi orynǵa 16 paıyzdan astam saılaýshylar daýysyn jınaǵan «SDP. Lıberaly» partııasy qol jetkizgen.
Sırııadaǵy jaǵdaıdy talqylaýdy usyndy
Jaqyn kúnderi AQSh-tyń memlekettik hatshysy Djon Kerrı Reseı, Saýd Arabııasy, Túrkııa jáne Iordanııa bıligimen kezdesip, Sırııadaǵy jaǵdaıdy talqylaýdy josparlap otyr.
«Sırııa janjalyn áskerı qımyldar arqyly sheshý adamzat apatyna soqtyrady. Ol eldiń tutastyǵyna ǵana emes, óńirdegi ózge de memleketterge qaýip tóndiredi», – dep atap ótipti D.Kerrı. Onyń aıtýynsha, «Sırııa prezıdenti Bashar Asadqa qoldaý kórsetý, budan da kóp qantógiske ákeledi, bosqyndar sanyn arttyrady, ekstremızmdi óristetedi». Sonymen birge, ol birer kúnnen soń Taıaý Shyǵysqa saparmen baratynyn aıtqan. О́z kezeginde Kreml AQSh memlekettik hatshysynyń usynystary týraly biletinin, qazirgi kezde sol usynystar pysyqtalyp jatqanyn ataǵan.
Qysqa qaıyryp aıtqanda:
NATO Ispanııa, Italııa jáne Portýgalııada 2002 jyldan bergi eń aýqymdy úsh aptalyq áskerı oqý-jattyǵýlaryn bastady. Oǵan 36 myńnan astam ásker, 130 ushaq jáne 60 keme men sýasty qaıyqtary qatysýda.
Ystambul áýejaıynda Brıtanııa azamatshasy asylyp qalǵan. Buǵan onyń Iraktyń Erbılıa qalasyna ushatyn reıske keshigip qalýy sebep bolǵan sııaqty.
Kolýmbııa astanasy Bogotada shaǵyndaý ushaqtyń apatqa ushyraýy saldarynan bes adam qaza tapty. Ushaq áýege kóterilgen soń úsh mınýt ótkende qulaǵan.
Meksıkalyq mıllıarder Karlos Slım aptasyna úsh kún jumys isteý jóninde usynys bildirdi. Onyń aıtýynsha, bul jumyssyzdyq máselesin sheshýge kómektesedi.
Kelisim resmı túrde kúshine endi
Resmı Tehran men «altylyq» Venada qol jetkizgen Irannyń ıadrolyq baǵdarlamasy týraly kelisim 18 qazanda kúshine endi. Bul taraptar úsh aı buryn moıyndaryna alǵan barlyq mindetterdi oryndaýǵa kirisýi tıis degendi bildiredi.
Osyǵan baılanysty endi Iran myńdaǵan sentrıfýgany konservasııalap, baıytylǵan ýrannyń 95 paıyzyn joıyp, reaktordy jańǵyrtýy qajet. Al AQSh pen Eýropa Iranǵa salynǵan sanksııalardan bas tartýǵa ázirlenýi tıis. Iran tarapy kelisimdegi óz mindetterin oryndap bolǵan soń, AQSh pen Eýropa qujatta kórsetilgen máselelerdi júzege asyratyn bolady. «Bul Irannyń ıadrolyq qarýǵa qoldary jetpeıtinin kórsetedi. Sondaı-aq, Irannyń halyqaralyq qoǵamdastyqpen yntymaqtastyqty qalpyna keltirýge kepildik beredi», – dep atap ótti Ulybrıtanııanyń syrtqy ister mınıstri Fılıpp Hammond.
Teraktige qatysy bar degen kúdikpen...
Aqparat agenttikteriniń habarlaýynsha, Ystambul qalasynda antıterrorlyq reıd kezinde «Islam memleketi» toptarymen baılanysy bar degen kúdik boıynsha 50 sheteldik azamat ustalǵan.
Kúdiktilerdiń Sırııa men Iran elderi aýmaǵyna ótip, «Islam memleketi» sodyrlarynyń qataryna qosylý nıetteri bolǵan sııaqty. Keń aýqymdy júzege asyrylǵan reıdtik is-shara 10 qazan kúni Ankarada oryn alǵan qandy terrorlyq aktilerge baılanysty uıymdastyrylǵan. Ankaradaǵy qaıǵyly oqıǵa Túrkııa tarıhyndaǵy eń iri terrorlyq árekettiń biri bolyp tabylady. Oqıǵa saldarynan 102 adam qaza taýyp, 200-den astam adam jaralanǵan edi. Reıd kezinde Ystambul qalasynyń Pendık aýdanyndaǵy 17 úıge tekserý júrgizilgen, kúdiktilerdiń barlyǵy polısııa bólimshesine jetkizilipti. Olardyń qaısy eldiń azamattary ekeni jaqyn kúnde anyqtalady.
Úısizder úshin banket uıymdastyrdy
AQSh-tyń Sakramento qalasynda kúıeý jigit pen qalyńdyq ózderiniń ótýge tıis úılený toılaryn aýystyrdy. Qalyńdyqtyń ata-anasy aldyn ala tólengen toı dastarqanynyń ornyna qaladaǵy bir otelde úısiz júrgender úshin banket uıymdastyrǵan.
Qalyńdyqtyń anasy Kerrı Dýeınniń aıtýynsha, olar 120 adam shaqyrylǵan bolmaıtyn toıdyń ornyna «ómirinde eń bolmasa bir ret qaladaǵy jaqsy otelderdiń birinen túski as ishsin» degen nıetpen jergilikti úısizderdi shaqyrýdy jón kórgen. Saltanatty rásimge daıyndalǵan gúlderdi qarttar úıine tabys etipti. Banketke aralarynda jalǵyz bastylar, balaly otbasylary bar 90 adam qatysqan eken. Al banketke 35 myń dollar jumsalǵan.
Internet materıaldary negizinde ázirlendi.