Aýmaly mynaý, alasy kópteý zamanda,
О́zińdeı perzent týmasa eger ǵalamda,
Boıaýy sińgen bodandyq tańy dalamda,
Qazaqtyń baǵy, Alashtyń baǵy janar ma?!
Qazaqty búgin dúnıe túgel tanydy,
Namysyn halqym aryna qaırap janydy.
Tabysty baýyr, qaýyshty qaýym, aǵa-ini,
Qazaqty ult dep moıyndady álem anyǵy.
Qazaqstanym, barystaı shyńǵa umtylǵan,
Taranǵan qustaı malynyp shyqqa qulpyrǵan.
Kórińder, mine, halqymnyń jarqyn shyraıyn,
Birligi – qalqan, peıili – darhan shyrqymnan.
Astanam qandaı, boıjetken qyzdaı sylanǵan,
Arýdaı appaq Esildi kórý bir arman.
Súısinip dos ta, qaraıdy jat ta tań qalyp,
Aǵylyp kúnde jurtymnyń basy quralǵan.
Astanam, sensiń, Eýrazııa ordasy,
Kemeńgerlikpen keledi bastap Elbasy.
Elim dep júrgen ultymnyń uly tulǵasy,
Halqymnyń óziń, aqylshy dosy, syrlasy.
Jumylǵan jurtym eńsesin tiktep kósildi,
Mereıi tasyp, kóńilin kókke ósirdi.
Elbasym meniń, ózińe ǵana senedi el,
Tarta ber alǵa tanbastan nurly kóshińdi!
Jetisken MÁKENALY,
mádenıet qaıratkeri.
Qyzylorda oblysy,
Qazaly aýdany.