Keshe Astana qalasynyń 17 jyldyǵyn toılaý sheńberinde «Aspazshylar óneri – súıikti qalaǵa» atty shara ótti. Bul merekelik sharaǵa «Assortı», «Ýsadba», «Parıj», «Lagýna», «Jas Ámir», «Suńqar», «Altyn ǵasyr» syndy qalanyń bedeldi meıramhanalary men dámhanalary qatysqan bolatyn.
Jobanyń negizgi maqsaty – elorda kásiporyndaryndaǵy qoǵamdyq tamaqtandyrýdyń sapasyn kúsheıtý, qala meıramhanalarynyń mamandandyrylǵan daıashylary sheberligimen elorda turǵyndary men qala qonaqtaryn tanystyrý jáne kelýshilerge qyzmet kórsetý deńgeıin joǵarylatý, ár eldiń ulttyq taǵam túrlerimen tanystyrý, sheberlikterin jan-jaqty qyrynan kórsetý. Festıval sheńberinde baıqaýǵa qatysýshylar «Eń úzdik taǵam», «Eń úzdik meıramhana» atalymdary boıynsha baq synady.
Sondaı-aq, arnaıy ádil qazylar saılanyp, taǵam qurylymy men onyń ásemdigine, dámine ıaǵnı, arnaıy talaptarǵa saı bolýyn qadaǵalap, ádil baǵasyn berdi. Saıys qorytyndysy boıynsha «Eń úzdik taǵam» nomınasııasyn – «Assortı» meıramhanasy jeńip aldy. Al «Eń úzdik meıramhanany» – «Ýsadba» ıelendi. Qos jeńimpaz tarapqa teledıdar tartý etilip, barlyq qatysýshylarǵa Alǵys hattar men dıplomdar tapsyryldy.
Raýshan TÁÝIRHANQYZY.