ASTANA. 25 mamyr. Qazaqstannyń barlyq mektepterinde sońǵy qońyraý úni syńǵyrlap, bitirýshi túlekter bilim ordasynan qanat qaqqaly tur. Bul týraly Qazaqstan Respýblıkasy Bilim jáne ǵylym mınıstrliginiń baspasóz qyzmeti habarlady.
Elimiz boıynsha osy jyly 124 myń oqýshy 11-synypty aıaqtap otyr. Al 87 770 túlek ulttyq biryńǵaı test tapsyrýǵa ótinish bergen. Sondaı-aq, 4 498 oqýshy «Altyn belgige» úmitker.
Aıta keteıik, búgingi «sońǵy qońyraý» sátinde mektep bitirýshi túlekter ustazdar qaýymyna sheksiz alǵystaryn bildirip, bilimi synalar ulttyq biryńǵaı testte joǵarǵy ball jınaıtyndyqtaryn jetkizdi.
Talǵat Raıymbek.
Derek: Bilim jáne ǵylym mınıstrliginiń baspasóz qyzmeti.
Sýret: namys.kz.