Ekijaqty qatynastar jaıy sóz boldy

Senbi kúni  Parlament Májilisiniń Tóraǵasy Qabıbolla Jaqypov elimizge resmı saparmen kelgen Serbııa Prezıdenti Tomıslav Nıkolıchpen kezdesti. Taraptar qazaqstandyq-serbııalyq kópqyrly yntymaqtastyqty damytýdyń ózekti máselelerin talqylady, – dep habarlady palatanyń baspasóz qyzmeti. Májilis spıkeri Serbııa Qa­zaqstannyń Ońtústik-Shyǵys Eýropadaǵy mańyzdy áriptesteriniń biri ekenin alǵa tarta kelip, búginde eki memleket arasynda qalyptasqan senimdi ári syndarly únqatysýdyń jyl saıyn qanat jaıyp kele jatqanyn atap ótti.  Oǵan mártebeli meımannyń Elbasymen kezdesýi barysynda qol jetkizilgen kelissózder dálel bolady. Sondyqtan, bizdiń elderimiz arasynda yqpaldastyqty odan ári damytýdyń, onyń ishinde saýda-ekonomıkalyq baılanysty nyǵaıtýdyń áleýeti zor. Q.Jaqypovtyń aıtýynsha, kólik, qurylys, aýyl sharýashylyǵy, azyq-túlik ónerkásibi men týrızm salalary ekijaqty qatynasty keńeıtýdiń basym baǵyttary bolyp tabylady. Osy rette Májilis Tóraǵasy iskerlik ahýaldy jaqsartyp, ınvestısııalyq tartymdylyqty arttyrý maqsatynda elimizde qabyldanyp jatqan zańdardyń mańyzdylyǵyna toqtaldy. Kezdesýde taraptar halyqara­lyq kún tártibindegi máselelerge de aıryqsha kóńil bóldi. Májilis Tóraǵasy mártebeli meımandy Qazaq­stannyń Dúnıejúzilik saýda uıymy­na kirýine qatysty kelissózderdiń aıaqtalǵandyǵynan habardar ete kelip, Serbııa Prezıdentine EKSPO-2017 kórmesin Astanada ótkizý quqyǵyna ıe bolýǵa qoldaý kórsetkeni úshin óz alǵysyn bildirdi jáne serbııalyq kompanııalardy osy kórmege belsene qatysýǵa shaqyrdy. О́z kezeginde Serbııa Prezıden­ti halyqaralyq áriptestiktiń qajet­­tiligine toqtala kelip, 2017-2018 jyldary BUU Qaýipsizdik Keńe­siniń turaqty emes músheligine Qazaq­stannyń kandıdatýrasyn qol­daıtyndyǵyn jetkizdi. Tomıs­lav Nıkolıch táýelsizdiktiń bar aýyrt­palyǵyn eńsergen bizdiń elimiz­diń qarqyndy damýyna tánti bolǵa­nyn aıtty. Sondaı-aq, barsha qazaq­standyqtardy Ata Zańnyń 20 jyldyq mereıtoıymen quttyqtady. Júzdesý barysynda parla­ment­aralyq baılanysty tereńdetý máseleleri de nazardan tys qalmady. Osy maqsatta Parlament Májilisinde Serbııamen yntymaqtastyq jáne dostyq tobyn qurý josparlanyp otyr. Serbııada bul topty Qazaqstannyń atalǵan eldegi qurmetti konsýly Mılanka Karıch basqarady.