Imandylyqqa jol bastaǵan basylym

Aqparat quraly adamzattyń tárbıeshisi, rýhanı azyǵy. Bul – ómir shyndyǵy. Jyldan jylǵa ult­tyq basylymdardyń sapasy artyp, sany da kóbeıýde. Ásirese, rýhanı tirek bolatyn basylym­dardyń halyq arasyna keńinen ta­ralýy kóńilge qýanysh uıalatady. Sondaı basylymdardyń biri Shyǵys Qazaqstan oblysyna ta­raıtyn «Islam nury» gazetine 10 jyl tolyp otyr. Árıne, «gazet shyqty, on jyl toldy» dep aıta salý ońaı, biraq ony uıym­das­tyrý, basshylyq jasaý, qarjy­lan­dyrý, taratý naryq zamanynda ońaı sharýa emes ekeni árkimge de aıan. Endeshe, osy qıyndyqtardy jeńe bilgen, batyl qadam jasap, qo­ǵam­dyq máni zor, osy zamanǵa qajet gazetti shyǵarýdy qolǵa alǵan jýrnalıst Dáýlet Tileýberdıev edi. Búginde «Islam nury» gazeti 5 myń taralymmen Shyǵys Qazaq­stan oblysyna tarap otyr. Osy basylymnan tálim alyp, ıman­dylyq jolyna bet burǵandardyń sany qanshama. – Bizdiń basylym dinge jańa bet bura bastaǵan adamdarǵa ar­nalǵan. Sondyqtan, gazet betinde beriletin maqalalardyń oqyrman­dar úshin tú­sinikti bolýyna kóp kóńil bó­le­miz. Sonymen birge ta­ǵylymy mol áńgimelerdi gazet betinde jıi berýdi maqsat etýdemiz, – deıdi sóz ara­synda gazet redaktory. Jýrnalıst Dáýlet qajy Tileýberdıev elimizde endi qanat jaıa bastaǵan dinı jýrnalıstıkanyń al­ǵashqy qarlyǵashtarynyń biri bol­dy desek, artyq aıtqandyq emes. Jalpy, qazaq jýrnalıs­tı­ka­synda dinı taqyrypqa qalam tar­typ júrgen jýrnalıster sany az. Ol úshin birinshi kezekte dinı saýattylyq qajet. Sebebi din ná­zik te kúrdeli ilim jáne búginde adam­dy adastyratyn aǵymdar da kóp. Baıqamasań, qalyń jurtshy­lyq­ty shatastyrýyń múmkin. Son­dyqtan, dinı taqyrypqa qa­lam tartý mol izdenisti, úlken jaýapkershilikti qajet etedi. 2007 jyly semeılik jýrnalıster arasynan ol alǵash ret Mekke-Medınege baryp, qajylyq pary­zyn ótep qaıtty. Ákesiniń aı­tý­ynsha, 1931 jyly «halyq ja­ýy» atanyp, 85 jasynda úshtiktiń úki­mi­men jazyqsyz sottalǵan úl­ken atasy Isa qajy 1907 jyly jel­toqsan aıynda qajylyq sa­parǵa at­tanyp bir jyl júrip qaıtqan eken. Taǵdyrdyń jazýy shyǵar, shóberesi 100 jyldan soń dál jeltoqsan aıynda qasıetti jerge taban tiredi. «Elimiz óz táýelsizdigin alǵan­nan beri halqymyz dinge bet bura bastady. Qazirgi tańda Bas múftı Ábsattar qajy Derbisáli haziret dinı ýaǵyzdardy jandandyrý má­selesin birinshi orynǵa qoıyp otyr. Elimizde «Islam jáne О́r­kenıet» jáne «Iman» basylym­dary basta­ǵan kóptegen dinı ba­sylymdar di­nimizdiń qundy­lyq­taryn halyq arasyna nasıhattaýda aıryqsha ról atqaryp otyr. Sonyń bir aıǵaǵy – oblysymyzda shy­ǵa­tyn «Islam nu­ry» gazeti. Osyn­daı basylymdy 10 jyl boıy úz­diksiz shyǵaryp kele jat­qan ult­jandy azamattarǵa aıtar alǵysy­myz mol», – deıdi Qazaq­stan mu­sylmandary dinı basqar­masynyń Semeı óńirindegi ókili Tynyshtyq qajy Iаhııauly. Gazettiń bul kúnde basty ta­qyryby: dinı-tanymdyq joly bol­­sa, gazet ujymy bir baǵytpen shektelmeı, ultymyzdyń ádet-ǵur­pyn, salt-dástúrin, aýyz áde­bıeti úlgi­leri men tárbıelik taǵylymy mol áńgimelerdi de jarııalap keledi. Aldaǵy ýaqyttarda da «Islam nury» gazetiniń oqyrmandary kó­beıe túserine esh kúmán joq. Dáýlet SEISENULY. Semeı.