Taraz qalasynyń turǵyny, kóp balaly otbasy Rýslan Omarovtyń qyzy Erkenaz jaqynda erekshe qýanyshqa keneldi. Qorjyn-qosqolańyn arqalap kelgen Aıaz Ata jeti jasar qyzǵa kópten bergi armany – kompıýter tartý etti.
Másele bylaı bolypty. Týǵan-týystaryna qonaqqa barǵan Erkenaz álgi otbasyndaǵy kompıýterge qatty qyzyǵady. Balamysyń degen, sodan keıin kompıýter qyzdyń armanyna aınalady.
Ákesi qarapaıym jumysshy, anasy jumyssyz, onyń ústine kolledjde oqyp júr. Al otbasynda Erkenazdan basqa taǵy úıelmeli-súıelmeli tórt ul-qyz bar. Onyń kishkentaıy Aınur bir jasqa endi ǵana tolmaq. Demek, Omarovtar otbasy úshin Erkenazǵa kompıýter satyp áperý kúrdeli máseleniń birinen sanalady. Mine, osy bir qıyn tusta Erkenazdyń anasy Hamıda Belasarova «Premer-Mınıstr Kárim Másimov te bala bolǵan ǵoı, qyzymnyń armany jóninde aıtsam, durys kórer» degen oımen hat jazyp jiberedi.
Ári qaraı bári túsinikti. Jańa jyl, Aıaz Ata jáne Erkenaz kútken kompıýter.
Kósemáli SÁTTIBAIULY.
Jambyl oblysy.