Investorlar qarjy salýǵa múddeli. Jańa jyldyń alǵashqy aptasynan keıin-aq Ońtústik Qazaqstanǵa shetel ınvestorlary kele bastady.
Ulybrıtanııanyń “EP IC Asset Management” jáne Túrkııanyń “Ae Arma” kompanııalarynyń delegasııasyn oblys ákiminiń birinshi orynbasary Berik Ospanov qabyldap, eki jaqqa da tıimdi usynystardy talqylady. Shymkentte Elbasynyń Jarlyǵymen qurylǵan “Ońtústik” erkin ekonomıkalyq aımaǵy – ınvestısııa tartýǵa qolaıly keshen. О́ndiris oryndary shoǵyrlandyrylyp jatqan aımaq bolashaqta Qazaqstannyń ındýstrııalyq-ınnovasııalyq damýyna alǵyshart jasaıdy. Sheteldik ınvestorlar ózderine qolaıly salalar boıynsha da qarjy salýǵa múddeli ekendikterin tanytty.
Baqtııar TAIJAN, Ońtústik Qazaqstan oblysy.
Aýyl ákimderiniń esebi bastaldy. Aýyl ákimderiniń alǵashqy esebi Taıynsha aýdanyna qarasty Zelenyı Gaı aýyldyq okrýginde ótti. Atalmysh okrýgtiń ákimi Gúlbarshyn Bátenovanyń esebi jurtshylyq kóńilinen shyqty. Ol bir jyl ishinde atqarylǵan jumystardy saralap, aldaǵy mindetter jóninde oı bólisti. Okrýgke qarasty Zelenyı Gaı, Novogrechanov jáne Jarqaıyń aýdandarynda 2000-nan astam adam turady. Nıkolaı Mazýr, Vıtalıı Chervınskıı, Bekmaǵambet Ámirhanov ózderin tolǵantqan máselelerge qanaǵattanarlyq jaýap aldy. Aýyl ákiminiń esep berý jıynyna oblys ákimi Serik Bilálov qatysyp, mundaı kezdesýler jergilikti bılik pen turǵyndardy jaqyndastyratynyn, problemalardy birlesip sheshýdiń múmkindigi artatynyn atap kórsetti. Oblys boıynsha 200-den astam okrýgterde ákimderdiń esepteri tyńdalatyn bolady.
О́mir ESQALI, Soltústik Qazaqstan oblysy.
Búginde mektepterdiń óz kóligi bar. Budan bylaı qaraı Ulytaý aýdanynyń Qorǵasyn, Terisaqqan, Qaraqum, Alǵabas, Mıbulaq aýyldaryndaǵy bilim uıalarynyń oqýshylary aýdandyq, qalalyq, oblystyq pándik baıqaýlarǵa, sporttyq, mádenı sharalarǵa arnaýly avtobýspen bara alatyn boldy. «Mektepter avtobýsy» baǵdarlamasy aıasynda berilgen 12 oryndyq úr jańa «ÝAZ» kólikteri qajetti ýaqytta qalaǵan jerlerine jetkizedi. Onyń bireýin aýdandyq bilim berý jáne dene tárbıesi bólimi de ıelendi. Aldaǵy kezde óńirdegi barlyq 18 mektep osyndaı avtobýstarmen qamtamasyz etiledi. Aýyldar arasy alys, iri eldi mekenderden shalǵaı aımaq mektepterine bul úlken kómek-qoldaý bolyp otyr.
Aıqyn NESIPBAI, Qaraǵandy oblysy.
Jas otbasylarǵa baspana berildi. Isataı aýdanynda turatyn Abzal Ihsanov 2008 jyldan beri aýdandyq ishki ister bóliminde qyzmet etedi. Byltyr onyń otbasynda egiz sábı ómirge kelip, úlken qýanyshqa kenelgen edi. Endi, mine, jas polıseıdiń otbasy jańa jylmen birge taǵy bir qýanysh –qonys toıyn toılady. Jyl basynda baspanaly bolý baqytyna Saırangúl Bólekova da ıe boldy. Osy aýdanda psıholog mamandyǵymen jumys jasaıtyn Saırangúldiń otbasyna da baspana kilti tabystaldy. О́tken aptada aýdan ákimi Baqbergen Qarabaev jas otbasylarǵa baspana kiltterin tabystap, “Jas mamandarǵa páterler kezeksiz berildi”, dedi.
Joldasbek ShО́PEǴUL, Atyraý oblysy.
Baǵdarlama baldyrǵandardy qýanyshqa bóledi. Oblysta ońtaılandyrý kezinde jeke adamdardyń qolyna ótken balabaqshalardy qaıtarý jóninde jumys bastalǵan edi. Onyń nátıjesi búgin aıqyn kórinip otyr. Eńbekshiqazaq aýdanyndaǵy eki qabatty ǵımarat jeke kásipker Nıkolaı Melnıkovtiń qaramaǵynda bos tursa, úndeýge ún qosqan ol ony jóndep, memlekettik-jekemenshik seriktestik negizinde «Bolashaq-2010» degen ataýmen mektepke deıingi búldirshinder mekenin ashty. Balabaqshanyń ashylý saltanatyna aýdan ákimi Álıhan Toıbaev qatysyp, balalarǵa bazarlyǵyn ala keldi. Ol bıyl taǵy da myńnan astam búldirshin balabaqsha tabaldyryǵyn attaıtynyn jetkizip, Elbasynyń «Balapan» baǵdarlamasynyń múmkindiginiń mol ekendigin atap ótti.
Kúmisjan BAIJAN, Almaty oblysy.
«Birjan-Sara» – mereıtoıǵa syılyq. О́tken aptada oblys ortalyǵyndaǵy Júsipbek Aımaýytov atyndaǵy qazaq mýzykaly drama teatry 20 jyldyǵyn atap ótti. Táýelsizdik jyldarymen birge esik ashqan qazaq teatry búginde kózaıym kórermenderi kóp, qoıylymdary oı salatyn belgili óner ujymyna aınaldy. Sonaý Egıpetke deıin baryp, mysyrlyqtarǵa «Aıman-Sholpandy» kórsetip qaıtty. Bıyl teatr ǵımaraty tolyq jóndeýden ótip, ishi-syrty jańaryp, jarqyrap tur.Ártister sahnalaǵan Muqan Tólebaevtyń «Birjan-Sara» operasy – óner ujymynyń jetistigi. Rejısseri – Ersaıyn Tápenov. Osy mereıtoı kúni oblys ákimi Baqytjan Saǵyntaev teatrdyń bir top ártisin qazaq ónerin damytýǵa qosqan úlesteri úshin Qurmet gramotalarymen marapattady.
Farıda BYQAI, Pavlodar.
«Qaýipsiz aýyl» baıqaýy ótkizildi. Zelenov aýdanynyń ákimi Ǵaısa Qapaqovtyń bastamasy boıynsha «Qaýipsiz aýyl» baıqaýy ótkizildi. Mundaǵy basty maqsat – aýyl turǵyndarynyń tynyshtyǵy men qaýipsizdigin qamtamasyz etý. Qoǵamdyq tártiptiń múltiksiz saqtalýyna qol jetkizý. Baıqaý qorytyndysyna sáıkes Zelenov aýyldyq okrýgi eń qaýipsiz aýyl dep tanyldy. Chývashınsk okrýgi – ekinshi, Razdolnyı úshinshi orynda. Munda ýchaskelik saqshylar – polısııa aǵa leıtenanty Rýstam Gýseınov, kapıtandar Qýanysh Quldashev, Oleg Reznıchenkonyń aýyl ákimderimen birlesip qyzmet atqarýy oń nátıjege qol jetkizýge múmkindik berdi.
Temir QUSAIYN, Batys Qazaqstan oblysy.