Oryndy bastamanyń aıaqsyz qalǵany qalaı?

Eki ǵasyrǵa sozylǵan qazaq-jońǵar soǵysyna 1757 jyly Aıagóz óńirindegi Mamyrsý degen jerde núkte qoıylǵany tarıhtan belgili. Qıyn da qys­ta­lań shaqta halqymyzdyń ba­syn biriktire bilgen Abylaı han osy jerde Qytaı ámir­shi­leri­men kelisimge kelip, shek­ara­myzdy bekitip alýǵa qol jetkizgen. Eki el arasyndaǵy bul ýaǵdalastyq Qandyjap shar­ty, ıakı Mamyrsý kelisimi degen atpen tarıhta qalǵan. Sol tusta osy óńirden aldy­men Qý daý­ysty Quttybaı, sońynan onyń urpaǵy Aqtaı­laq bı qazaq eli­niń elshisi retinde Qytaıdyń astanasy Beı­jińge deıin baryp qaıtqan. Al sonyń bári eldigimizdi kórsetse kerek. Osydan úsh-tórt jyl bu­ryn osy mańyzdy oqıǵanyń 250 jyl­dyǵyna oraı jergilikti aza­mattardyń bastamasymen birqa­tar ıgilikti sharalar jú­ze­ge asy­rylǵan edi. Eń aldy­men, kezinde orystar saldyr­ǵan Sergıopol bekinisiniń aty Mamyrsý bolyp ózgertilgen. Sergıopol demekshi, endi eldigimizge orystar ta­rapynan qaýip tóne bastaǵanda joǵa­ry­da esimi atalǵan Aqtaı­laq bı munda meshit úıin sal­dyrsa, «Taýrıh-Hamsa» atty tarıhı kitaptyń avtory Qurban­ǵalı Halıt osy óńirdegi alǵash­qy bilim ordasy – medreseni iske qo­sady. Al sol Sergıopoli­ńiz­de  mektep salynǵanyna da 150 jyl­ǵa ja­qyn­dap qaldy. Ma­myr­­sý keli­sim­iniń 250 jyl­dy­ǵyna arnalǵan ǵy­lymı-teo­rııa­lyq konferensııa sol bilim ord­a­synda ótkizilgen-di. Konferensııa sońynda eki el arasyndaǵy kelisimge qol qoı­ylǵan Mamyrsý jerine belgi tas ornatylyp, alda sol jerge úlken monýment  turǵyzý jó­nin­de biraýyzdy sheshim qabyl­danǵan edi. О́kinishke qaraı, sodan beri tórt jyl ótse de bul máselede eshqandaı qozǵa­lys baıqalmaıdy. Sol shaq­taǵy ıgi­likti sharalardyń basy-qa­syn­da júrgen Mamyrsý aýy­lynyń ákimi Amanjol Arǵyn­geldın muny júzege asyrýǵa bir aýyl, bir aýdannyń múmkin­digi jetpeıtinin aıta kelip, oǵ­an ob­lys, respýblıka Úkimeti tara­py­nan kóńil bólinse degen tilek bildirgen edi. Bul, shyn máninde oryndy ti­lek pe deımiz. Al sol oryn­dy tilek el táýelsizdiginiń jı­yr­ma jyldyq merekesi tusyn­da júzege asyrylyp jatsa, ká­nekı! Mundaı sharanyń tarıh úshin, jas urpaq úshin qajet­tiligi aıtpasa da túsinikti! Dáýlet SEISENULY, Semeı.