Qostanaı oblysynda qýǵyn-súrgin qurbandaryn tolyq aqtaý jónindegi komıssııa quryldy, dep habarlaıdy Egemen.kz
Qostanaı oblysynda saıası qýǵyn-súrgin qurbandaryn tolyq aqtaý jónindegi komıssııa quryldy. Oblystyq komıssııa quramyna 23 adam iriktelip alyndy. Komıssııa saıası qýǵyn-súrgin qurbandaryn, onyń ishinde áskerı qyzmetshiler men tutqyndardy quqyqtyq jáne saıası aqtaý jumystaryn júzege asyratyn bolady.Oblystyq komıssııanyń birinshi keńeıtilgen otyrysynda osy baǵyttaǵy zertteý jumystaryn uıymdastyrý jáne óńirde júrgiziletin jumystardyń naqty maqsaty men mindetterin aıqyndaý máseleleri taldanyp, qarastyryldy.
Aımaqta saıası arhıvterdegi qýǵyn-súrginge ushyraǵan azamattar týraly qujattardy anyqtaý, zertteýler júrgizý, qýǵyn-súrginge ushyraǵan azamattardyń urpaqtary men týystarynan suhbat alý, olar týraly qujat, fotomaterıaldar men ózge de málimetterdi jınaý jumystary uıymdastyrylmaq. Osyǵan baılanysty ákimshilik-uıymdastyrýshylyq, zertteý jáne aqparattyq-túsindirý jumystaryn qamtıtyn 3 jumys toby quryldy.
Komıssııa músheleriniń pikirinshe, bastapqy kezeńde, jappaı jerleý oryndary men aqtalmaǵan azamattardyń esimderin anyqtaý úshin aýdandarǵa turaqty túrde jumys isteıtin ekspedısııalardy jiberý qajet.