Elimizde prokýrorlyq qadaǵalaý tártibimen qýǵyn-súrginge ushyraǵan 250 myńnan astam azamat aqtaldy, dep habarlaıdy Egemen.kz Qazaqstan.tv saıtyna silteme jasap.
Aqtalǵan azamattardyń kóbi kezinde jer aýdarylǵan jáne kúshtep kóshirilgen. Bul týraly Memlekettik hatshynyń saıası qýǵyn-súrgin qurbandaryn tolyq aqtaý jónindegi komıssııanyń jumys nátıjeleri týraly bergen suhbatynda aıtyldy.
Erlan Karınniń málimetinshe, 2020 jyly qurylǵan memlekettik komıssııanyń jumys toptarynda 316 sarapshy-ǵalym bar. 261 adam jabyq muraǵattarda jumys istegen. Arhıv materıaldaryn izdeý men taldaýdyń tıimdi júıesi jasalǵan. Qupııasyzdandyrylǵan qujattar ǵylymı turǵydan óńdelip, sıfrlyq formatqa kóshirilýde. Aldaǵy ýaqytta qýǵyn-súrgin boıynsha tarıhı materıaldardy bir jerge toptastyratyn arnaıy portal qurý kózdelip otyr.
Saltanat Kenjebaı