«Google» kompanııasynyń Mountain View shtab-ǵımaratynda erekshe qyzmetker bar. Ol shóp shabady. Biraq aılyq almaıdy. Jumysyn erekshe jaqsy kóredi.
Kompanııa shóp shabý úshin 200-ge jýyq eshki asyrap alǵan desedi. Bul shóp shabatyn mashınalarǵa degen qajettilikti azaıtady. Qatty shý shyǵaratyn, aýany lastaıtyn mashınalardy paıdalanýdyń ornyna, kompanııa eshkini tańdaǵan. Aýmaqty uqypty ustaýdyń ekologııalyq taza tásili kópti tańdandyrdy.
Kopernıktiń kompasy
Polshada jerasty týnnelinen Nıkolaı Kopernıktiń kompasy men sırkýli tabyldy. XVI ǵasyrǵa tıesili oljalar Frombork qalasynyń shirkeý baqtarynda 500 jyl kómýli jatqan.
Kopernık ómiriniń kóp bóligin Fromborkte ótkizdi ári biraz ýaqyt Frombork soborynyń dinı qyzmetkeri boldy. «Bul tujyrymnyń tarıhı mańyzy zor, óıtkeni kompas – Kopernıktiń praktıkalyq ǵylymı jumysynyń tikeleı dálelderiniń biri», deıdi Frombork murasyn zertteıtin Mıhal Antchak.
Teslanyń taksıi
«Tesla» robot-taksı shyǵardy. Tusaýkeser «Warner Bros» stýdııasynda ótedi.
Bastapqyda «robo-taxi» prezentasııasy tamyz aıyna josparlanǵan bolatyn. Dızaınǵa ózgerister engizý úshin keıinge qaldyryldy. Kólik týraly ázirge málimet az. Jańalyq «Cybertrack»-ke uqsas bolady degen boljam bar. Biraq rýl men pedal joq. Jetkizý qyzmetiniń quny áli aıtylmady. Bir bilerimiz, adamdardy robot tasıtyn bolady.